![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Një tjetër mesazh nga Amerika erdhi dje në mbësh tetje të protestës opozitare për votën e lirë. Një letër drejtuar zotit Basha, ku inkurajohet qëndresa për garantimin e zgjedhjeve të lira, është nisur nga selia e Kongresit Amerikan. Ka qenë kongresmeni Randy Hultgren ai i cili menjëherë pas takimit me kryetarin e PR-së, Mediun, është shprehur “pro” lëvizjes qytetare për votën e lirë. Takimi i kongresmenit Hultgren me zotin Mediu, është zhvilluar në vazhdën e takimeve që kryetari republikan, ka ndërmarrë për të informuar dhe sensibilizuar politikën e jashtme për situatën parazgjedhore në Shqipëri dhe tentativat e mazhorancës për të deformuar zgjedhjet e 2017-ës, nëpërmjet bandave, parave të drogës dhe refuzimit absolut për të ndërmarrë një reformë zgjedhore. Z. Mediu e informoi kongresmenin amerikan, që synimi i vetëm i qeverisë “Rama” është deformimi dhe grabitja e votës së qytetarëve në zgjedhjet e 2017-ës, ndërkohë që synimi i vetëm i protestës opozitare është zhvillimi i zgjedhjeve të lira dhe të ndershme, nën kujdesin e një qeverie teknike. Kongresmeni amerikan Hultgren shprehu bindjen e tij se opozita duhet të vazhdojë në rrugën e saj të protestës për të realizuar zgjedhje të lira, çka janë edhe themeli i çdo demokracie. Menjëherë pas takimit, ai shkroi edhe një letër drejtuar kryetarit demokrat Lulzim Basha, ku e inkurajon për përpjekjet e tij në këtë drejtim.